Kerala
അഞ്ചിലേറെ സീറ്റുകൾ നേടാനാകുമെന്ന പ്രതീക്ഷയിൽ ബിജെപി
തിരുവനന്തപുരം: കേരളത്തിൽ ഇക്കുറി അഞ്ച് സീറ്റുകൾക്കുമപ്പുറം വിജയം നേടാമെന്ന പ്രതീക്ഷയിൽ ബിജെപി.
പല മണ്ഡലങ്ങളിലും ത്രികോണ മത്സരത്തിലൂടെ മറ്റ് മുന്നണികളെ വെല്ലുവിളിക്കാൻ കഴിഞ്ഞതും വോട്ടുവിഹിതത്തിൽ ശ്രദ്ധേയമായ വർധനവുണ്ടാകുമെന്നുമാണ് ബിജെപി നേതൃത്വത്തിന്റെ വിലയിരുത്തൽ.
പോളിംഗ് ശതമാനം കൂടി പരിഗണിച്ചപ്പോൾ നേമം, കഴക്കൂട്ടം, മഞ്ചേശ്വരം, കാസർകോട്, പാലക്കാട് തുടങ്ങിയ മണ്ഡലങ്ങളിലാണ് ബിജെപി കൂടുതൽ പ്രതീക്ഷ വെക്കുന്നത്. തിരുവനന്തപുരം, കുന്നത്തുനാട്, ചാത്തന്നൂർ എന്നിവിടങ്ങളിലും മികച്ച സാധ്യതയുണ്ടെന്ന വിലയിരുത്തലും യോഗത്തിൽ ഉയർന്നു.