India
കല്യാണത്തോടെ പക; യുവതിയുടെ ഭർത്താവിനെ സ്പീക്കറിൽ ബോംബ് വെച്ച് കൊല്ലാൻ ശ്രമിച്ച യുവാവ് അറസ്റ്റിൽ
റായ്പുര്: രണ്ടു കിലോയോളം സ്ഫോടകവസ്തുക്കള് നിറച്ച സ്പീക്കറുകള് സമ്മാനമായി നല്കി യുവാവിനെ കൊലപ്പെടുത്താന് ശ്രമിച്ച കേസില് 20-കാരനടക്കം ഏഴു പേര് അറസ്റ്റില്.
വിനയ് വര്മ(20) രമേശ്വര് വര്മ (25), ഗോപാല് വര്മ (22), ഗാസിറാം വര്മ (46), ദിലീപ് ധിമര് (38), ഗോപാല് ഖേല്വാര്, ഖിലേഷ് വര്മ (19) എന്നിവരെയാണ് പൊലീസ് അറസ്റ്റ് ചെയ്തത്.
ഐടിഐ ഡിപ്ലോമക്കാരനും ഇലക്ട്രീഷ്യനുമായ വിനയ് വര്മയാണ് കേസില് മുഖ്യപ്രതി. പ്ലഗ് ഇന് ചെയ്യുമ്പോള് പൊട്ടിത്തെറിക്കുന്ന തരത്തിലായിരുന്നു സ്പീക്കറുകള് നിര്മിച്ചിരുന്നത്. ഛത്തീസ്ഗഡിലെ മാന്പുര് ഗ്രാമത്തിലാണ് സംഭവം.