India
ഛത്തീസ്ഗഢിലെ ബിജാപുര് ജില്ലയിൽ 12 മാവോവാദികളെ സുരക്ഷാസേന ഏറ്റുമുട്ടലില് വധിച്ചു
റായ്പുര്: ഛത്തീസ്ഗഢിലെ ബിജാപുര് ജില്ലയിൽ 12 മാവോവാദികളെ സുരക്ഷാസേന ഏറ്റുമുട്ടലില് വധിച്ചു. ഇന്ദ്രാവതി നാഷണല് പാര്ക്കിലെ ഉള്വനത്തിൽ ആണ് സുരക്ഷാസേനയും മാവോവാദികളും തമ്മില് ഏറ്റുമുട്ടൽ. മുതിര്ന്ന പോലീസ് ഉദ്യോഗസ്ഥര് ആണ് ഏറ്റുമുട്ടൽ ഉണ്ടായതായി അറിയിച്ചത്.
ഞായറാഴ്ച പുലര്ച്ചെ മുതലാണ് ഏറ്റുമുട്ടല് ആരംഭിച്ചത്. പ്രാഥമികവിവരമനുസരിച്ച് 12 മാവോവാദികള് കൊല്ലപ്പെട്ടതായും പോലീസ് അറിയിച്ചു. മേഖലയില് ഇപ്പോഴും ഏറ്റുമുട്ടല് തുടരുകയാണെന്നും പോലീസ് പറഞ്ഞു.
ദിവസങ്ങള്ക്ക് മുന്പ് ബിജാപുര് ജില്ലയില് നടന്ന ഏറ്റുമുട്ടലില് ഏട്ടുമാവോവാദികളെ സുരക്ഷാസേന വധിച്ചിരുന്നു. ജനുവരി 31-ന് സുരക്ഷാസേന നടത്തിയ മാവോവാദി ഓപ്പറേഷനിടെയാണ് ഏറ്റുമുട്ടലില് എട്ടുമാവോവാദികളെ വധിച്ചത്. ഇതിനുപിന്നാലെയാണ് ബിജാപുരില് വീണ്ടും ഏറ്റുമുട്ടലുണ്ടായിരിക്കുന്നത്.