Kerala
പ്രചരിക്കുന്നത് അസത്യം; കെപിസിസി അദ്ധ്യക്ഷ പദവിയിലേക്കെന്ന റിപ്പോര്ട്ട് തള്ളി ആന്റോ ആന്റണി
അഹമ്മദാബാദ്: കെപിസിസി അദ്ധ്യക്ഷ സ്ഥാനത്തേക്ക് തന്നെ പരിഗണിക്കുന്നുവെന്ന റിപ്പോര്ട്ട് തള്ളി ആന്റോ ആന്റണി എംപി. പ്രചരിക്കുന്നത് ഊഹാപോഹമാണ്. നിലവില് കെപിസിക്ക് അദ്ധ്യക്ഷനും ഭാരവാഹികളും ഉണ്ടെന്നും അദ്ദേഹം പറഞ്ഞു.
മഹാരാഷ്ട്ര, ബിഹാര് സംസ്ഥാനങ്ങളിലെ സംസ്ഥാന അദ്ധ്യക്ഷന്മാരെ അടുത്തിടെ മാറ്റിയിരുന്നു. ഇതിന് പിന്നാലെ കേരളത്തിലെ അദ്ധ്യക്ഷ സ്ഥാനത്തേക്കും പുതിയൊരാളെ പരിഗണിക്കുകയാണ് ഹൈക്കമാന്റ്. ക്രൈസ്തവ വിഭാഗത്തില് നിന്നുള്ള നേതാവ് കോണ്ഗ്രസ് അദ്ധ്യക്ഷ സ്ഥാനത്തേക്ക് വരണമെന്ന് കേരളത്തിലെ പാര്ട്ടിക്കുള്ളില് പൊതു അഭിപ്രായം രൂപപ്പെട്ടിരുന്നു.
പ്രത്യേകിച്ച് റോമന് കാത്തലിക് വിഭാഗത്തില് നിന്നുള്ള നേതാവ്. ഈ ആവശ്യത്തെ ഹൈക്കമാന്റും ശരിവെക്കുന്നു എന്ന വിവരമാണ് ഇപ്പോള് ലഭിക്കുന്നത്.