Kerala
തീരുമാനിച്ചത് കൂട്ടമായി ജീവനൊടുക്കാൻ, പിന്നീട് പ്ലാൻ മാറ്റി; വെഞ്ഞാറമ്മൂട് കൂട്ടക്കൊലയിൽ അഫാന്റെ മൊഴി
തിരുവനന്തപുരം: വെഞ്ഞാറമ്മൂട് കൂട്ടക്കൊലക്കേസില് പ്രതി അഫാന്റെ മൊഴിയിലെ നിര്ണായക വിവരങ്ങള് പുറത്ത്.
കടം വാങ്ങിയ പണം തിരിച്ചുകൊടുക്കാന് സാധിക്കാതെ വന്നപ്പോള് കുടുംബം ഒന്നായി ആത്മഹത്യ ചെയ്യാന് തീരുമാനിച്ചുവെന്ന് അഫാന് പൊലീസിന് നല്കിയ മൊഴിയില് പറയുന്നു.
ഉമ്മയ്ക്കും സഹോദരനുമൊപ്പം താനും ജീവനൊടുക്കാനായിരുന്നു പദ്ധതി. എന്നാല് ആത്മഹത്യ ചെയ്യുമ്പോള് എല്ലാവരും മരിച്ചില്ലെങ്കിലോ എന്ന ആശങ്കയുണ്ടായി. ഇതോടെ എല്ലാവരേയും കൊല്ലാമെന്ന നിഗമനത്തിലെത്തുകയായിരുന്നു. ഉമ്മയേയും സഹോദരനേയും കൊലപ്പെടുത്താനായിരുന്നു ആദ്യം പദ്ധതിയിട്ടതെന്നും അഫാന് മൊഴി നല്കിയതായാണ് വിവരം.