Entertainment
നടി സ്വാസിക വിവാഹിതയായി
നടി സ്വാസികയും ടെലിവിഷൻ താരവും മോഡലുമായ പ്രേം ജേക്കബും വിവാഹിതരായി. കുടുംബാംഗങ്ങളും സിനിമ-ടെലിവിഷൻ രംഗത്തെ സഹപ്രവർത്തകരും വിവാഹ ചടങ്ങിൽ പങ്കെടുത്തു. ഇരുവരുടെയും ചിത്രങ്ങൾ ഇൻസ്റ്റഗ്രാമിലൂടെ സ്വാസിക പങ്കുവെച്ചിട്ടുണ്ട്. ഔട്ട്ഡോർ ഡെസ്റ്റിനേഷൻ വിവാഹമാണെന്നാണ് ചിത്രങ്ങൾ നൽകുന്ന സൂചന.
പൂജ വിജയ് എന്ന സ്വാസികയും പ്രേം ജേക്കബും ഒരുമിച്ച് സീരിയിലിൽ അഭിനയിക്കുന്ന സമയത്താണ് സുഹൃത്തുക്കളാകുന്നത്. പിന്നീട് പ്രണയത്തിലാവുകയായിരുന്നു. ഇരുവരുമൊത്തുള്ള റീലുകളും സോഷ്യൽ മീഡിയയിൽ വൈറലാണ്. വൈഗ എന്ന തമിഴ് സിനിമയിലൂടെയാണ് സ്വാസിക സിനിമ രംഗത്തേക്കെത്തുന്നത്. ഫിഡില്‍ ആണ് ആദ്യ മലയാള ചിത്രം.