Entertainment
4500 രൂപയ്ക്ക് വാങ്ങിയ ചെരിപ്പ് പൊട്ടി, പ്രതിഷേധിച്ച് നടി
മലയാള സിനിമയിലും തമിഴിലും നിറഞ്ഞു നിന്ന മുൻനിര നായികമാരിൽ ഒരാളായിരുന്നു നടി കസ്തൂരി. ഇപ്പോൾ താരം തമിഴ് സീരിയലുകളിലും സോഷ്യൽ മീഡിയയിലും സജീവമാണ്. നടിയുടെ ഒരു വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
പ്രിമീയം ബ്രാന്റ് ഇറക്കിയ ചെരിപ്പ് ഒരു മാസം കൊണ്ട് പൊട്ടിപ്പോയി എന്ന പരാതിയാണ് കസ്തൂരി വീഡിയോയിൽ പങ്കുവെക്കുന്നത്. നടിയെ ട്രോളിയും പിന്തുണച്ചും ഏറെ കമന്റുകളാണ് ഈ പോസ്റ്റിന് വന്നിരിക്കുന്നത്.
സാധാരണ ഒരു ചെരിപ്പിന് വേണ്ടി ആയിരത്തില് കൂടുതല് രൂപ ഞാന് ചിലവാക്കാറില്ല. എന്നാല് ചില ആഢംബര പാദരക്ഷകളും ഉപയോഗിക്കുന്നുണ്ട്. അത്തരത്തില് എന്റെ കളക്ഷനിലെ ഏറ്റവും വിലകൂടിയതും ഏറ്റവും നിരാശയുണ്ടാക്കിയതുമായ ചെരിപ്പാണ് ഇത്. ഫിറ്റ്ഫ്ലോപ്പിന്റെ ഈ ചെരിപ്പ് മാര്ച്ചില് 4500 രൂപയ്ക്ക് വാങ്ങി ഇപ്പോള് പൊട്ടി’എന്നാണ് കസ്തൂരി വീഡിയോയില് പറയുന്നത്.