Kerala
കൊല്ലത്ത് യുഡിഎഫ് പ്രവര്ത്തകരുടെ കാര് ഇടിച്ച് കായിക താരങ്ങള്ക്ക് പരിക്കേറ്റ സംഭവം; ഡ്രൈവര്ക്കെതിരെ കേസ്
കൊല്ലം: കൊല്ലത്ത് ബിന്ദു കൃഷ്ണയുടെ മകന്റെ പേരിലുള്ള കാര് ഇടിച്ച് കായിക താരങ്ങള്ക്ക് പരിക്കേറ്റ സംഭവത്തില് പൊലീസ് കേസെടുത്തു. ഡ്രൈവര്ക്കെതിരെയാണ് കേസെടുത്തത്. കൊല്ലം ഈസ്റ്റ് പൊലീസിന്റേതാണ് നടപടി. എഫ്ഐആറില് വാഹനം ഓടിച്ചയാളുടെ പേരില്ല.
ഭാരതീയ ന്യായ സംഹിതയിലെ 281, 125 (a), 125 (b), മോട്ടോര് വെഹിക്കിള് ആക്ട് 1988 ലെ 134 (A), 134 (B) വകുപ്പുകള് പ്രകാരമാണ് കേസെടുത്തിരിക്കുന്നത്. അമിതവേഗതയിലും അശ്രദ്ധവുമായാണ് പ്രതി വാഹനം ഓടിച്ചതെന്ന് എഫ്ഐആറില് പറയുന്നുണ്ട്.
KL 16 R 2935 നമ്പര് കാറാണ് അപകടമുണ്ടാക്കിയതെന്നും എഫ്ഐആറില് പറയുന്നു. പ്രതി നിലവില് പൊലീസ് കസ്റ്റഡിയിലാണ്.