Kerala
വിവിധ അപകടങ്ങളിൽ റാന്നി ,കോരുത്തോട് ,ആനിക്കാട് സ്വദേശികൾക്ക് പരിക്ക്
പാലാ . വിവിധ അപകടങ്ങളിൽ പരുക്കേറ്റ 3 പേരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. കൊടുങ്ങൂർ ഭാഗത്ത് വച്ച് സ്കൂട്ടർ നിയന്ത്രണം വിട്ട് മറിഞ്ഞ് ആനിക്കാട് സ്വദേശി പി.സി.ജോസന് ( 35) പരുക്കേറ്റു. ഇന്നലെ രാത്രിയായിരുന്നു അപകടം.
കെ.എസ്.ആർ.ടി.സി ബസും കാറും കൂട്ടിയിടിച്ച് റാന്നി സ്വദേശി ശ്രീകലയ്ക്ക്( 42) പരുക്കേറ്റു.ഇന്ന് പുലർച്ചെ പാലാ – തൊടുപുഴ റൂട്ടിൽ അന്തിനാട് ഭാഗത്ത് വച്ചായിരുന്നു അപകടം. കോരുത്തോട് ഭാഗത്ത് വച്ച് ബൈക്ക് നിയന്ത്രണം വിട്ട് മറിഞ്ഞ് കോരുത്തോട് സ്വദേശി അഭിജിത്ത് ബിനോയിക്ക് ( 23) പരുക്കേറ്റു.ഇന്നു പുലർച്ചെ കോരുത്തോട് ഭാഗത്ത് വച്ചായിരുന്നു അപകടം.