Kerala
ചരക്കു ലോറി നിയന്ത്രണം വിട്ട് മറിഞ്ഞ് അപകടം
സുല്ത്താന്ബത്തേരി: കോഴിക്കോട് നിന്നും മൈസൂരുവിലേയ്ക്ക് ചരക്കുമായി പോയ ലോറി സുല്ത്താന്ബത്തേരിക്കടുത്ത് മൂലങ്കാവില് ദേശീയപാത 766-ല് നിയന്ത്രണം വിട്ട് മറിഞ്ഞ് ഡ്രൈവര്ക്ക് പരിക്കേറ്റു.
മൂലങ്കാവിലെ പെട്രോള് പമ്പിന് എതിര്വശം വനത്തോട് ചേര്ന്നുള്ള ചതുപ്പിന് സമാനമായ ഭാഗത്തേയ്ക്ക് ഇറങ്ങിയ ലോറി ഇടതുസൈഡിലേയ്ക്ക് മറിയുകയായിരുന്നു.
അപകടത്തില് കുന്നമംഗലം സ്വദേശി സാദിഖിന് (45) പരിക്കേറ്റു. ഇയാളെ കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയാണ്. ഞായറാഴ്ച്ച വൈകുന്നേരം അഞ്ചരയോടെയായിരുന്നു അപകടം.
മൂലങ്കാവ് ടൗണ് കഴിഞ്ഞുള്ള ചെറിയ ഇറക്കത്തില് വെച്ച് നിയന്ത്രണം നഷ്ടമായതിന് പിന്നാലെ വാഹനം റോഡരികിലെ ചെളിയിലേക്ക് ഇറങ്ങുകയും ചക്രങ്ങള് ആഴ്ന്നുപോയി മറിയുകയുമായിരുന്നു. ഉടന് ഓടിയെത്തിയ നാട്ടുകാര് ലോറിയുടെ ക്യാബിനില് കുടുങ്ങിക്കിടന്ന ഡ്രൈവറെ വേഗത്തില് പുറത്തെടുത്തു.