Kerala
കോട്ടയത്ത് യാത്രക്കാരിയായ വീട്ടമ്മയെ ബസ് ഇടിച്ചു വീഴ്ത്തി
കോട്ടയം: സ്വകാര്യ ബസിടിച്ചു വീഴ്ത്തിയ വീട്ടമ്മ ഗുരുതരാവസ്ഥയില്. നട്ടാശേരി എസ്എച്ച് മൗണ്ട് ഞെള്ളക്കാട്ട സി.ഡി. റോസി (69) നാണ് പരിക്കേറ്റത്.
ഇന്നു രാവിലെ ഒമ്പതോടെ കോട്ടയം തിരുനക്കര ബസ്റ്റാന്ഡിലാണ് സംഭവം. പുല്ലാടന് ബസാണ് അപകടത്തിനിടയാക്കിയത്. ഇതേ ബസില് സ്റ്റാന്ഡില് വന്നിറങ്ങിയ റോസ് ബസിനു മുന്നിലൂടെ ക്രോസ് ചെയ്തപ്പോള് മുന്നോട്ട് എടുത്ത ബസ് റോസിനെ ഇടിച്ചു വീഴ്ത്തുകയായിരുന്നു.
പരിക്കേറ്റ റോസിനെ ഉടന് തന്നെ സമീപത്തെ എയ്ഡ് പോസ്റ്റിലുണ്ടായിരുന്ന പോലീസുകാര് ചേര്ന്നു കോട്ടയം മെഡിക്കല് കോളജില് എത്തിച്ചു. കോട്ടയത്ത് ഹാന്റ്ക്സ് സ്ഥാപനത്തിലെ പാര്ട്ട് ടൈം സ്വീപ്പറായി ജോലി ചെയ്യുകയാണ് റോസ്.
ഇന്നു രാവിലെ ജോലിയ്ക്കു വരുമ്പോഴാണ് അപകടമുണ്ടായത്. കോട്ടയം മെഡിക്കല് കോളജിലെ റെഡ് സോണ് വിഭാഗത്തില് പ്രവേശിപ്പിച്ച റോസിനെ ഡോക്ടര്മാരുടെ സംഘം പരിശോധിച്ചുവരികയാണ്.