Kerala
വാഹനത്തെ മറികടക്കാൻ ശ്രമിക്കുന്നതിനിടെ ബൈക്ക് മറിഞ്ഞുണ്ടായ അപകടം; യുവാവിന് ദാരുണാന്ത്യം
പാലക്കാട്: പട്ടാമ്പിയിൽ ബൈക്ക് മറിഞ്ഞുണ്ടായ അപകടത്തിൽ യുവാവ് മരിച്ചു. വീരമണി പ്രദേശത്തെ അർജുൻ ഗിരി (30) ആണ് മരിച്ചത്.
മുന്നിൽ പോകുകയായിരുന്ന ഗുഡ്സ് വാഹനത്തെ ഓവർടേക്ക് ചെയ്യാൻ ശ്രമിക്കുന്നതിനിടെ അർജുൻ സഞ്ചരിച്ച ബൈക്ക് മറിയുകയായിരുന്നു. ഇതോടെ പിന്നാലെ വന്ന ഗുഡ്സ് വാഹനത്തിന്റെ ചക്രങ്ങൾ യുവാവിന്റെ തലയിലൂടെ കയറി ഇറങ്ങുകയായിരുന്നു.
പട്ടാമ്പി ടൗണിൽ നിന്നും മേലെ പട്ടാമ്പി ഭാഗത്തേക്ക് പോകുകയായിരുന്ന ഗുഡ്സ് വാഹനം ഇടിച്ചാണ് യുവാവ് മരിച്ചത്. വെള്ളിയാഴ്ച രാവിലെ 9.30 മണിയോടെ മേലെ പട്ടാമ്പി കോടതിക്ക് സമീപത്താണ് അപകടമുണ്ടായത്.
കനറാ ബാങ്കിലെ ജീവനക്കാരനായിരുന്ന അർജുൻ. ബാങ്കിലേക്ക് പോകുന്നതിനിടെയാണ് അപകടമുണ്ടായതും മരണം സംഭവിച്ചതും.