Kerala
വീണ ജോർജിനെതിരെ മത്സരിക്കുന്ന സ്ഥാനാര്ഥിക്ക് പിന്തുണ; അബിന് വര്ക്കിക്ക് കെട്ടിവയ്ക്കാനുള്ള തുക കൈമാറി ഉഷ
അലപ്പുഴ: ആറന്മുളയില് ആരോഗ്യമന്ത്രി വീണാ ജോര്ജിനെതിരെ മത്സരിക്കുന്ന യുഡിഎഫ് സ്ഥാനാര്ഥി അബിന് വര്ക്കിക്ക് പിന്തുണയുമായി ആലപ്പുഴ മെഡിക്കല് കോളജ് ആശുപത്രിയിലെ ചികിത്സാ പിഴവിന് ഇരയായ ഉഷ ജോസഫ്.
അബിന് വര്ക്കിക്ക് തെരഞ്ഞെടുപ്പിന് കെട്ടിവയ്ക്കാനുള്ള പണം ഉഷ കൈമാറി. ഞായറാഴ്ച വൈകീട്ടാണ് ഉഷ, ഭര്ത്താവ് ജോസഫ്, മകന് ഷിബിന് എന്നിവരില് നിന്നും അബിന് തുക ഏറ്റുവാങ്ങിയത്.
അധികൃതരുടെ അനാസ്ഥ മൂലം വയറ്റില് കുടുങ്ങി കത്രികയുമായി 5 വര്ഷം കഴിഞ്ഞ ഉഷയുടെ ദുരിതം കേരളത്തില് വലിയ ചര്ച്ചയായിരുന്നു. സര്ക്കാരിന്റെ അനാസ്ഥകാരണമാണ് തനിക്ക് 5 വര്ഷം വേദന സഹിച്ചു ജീവിക്കേണ്ടി വന്നതെന്നാണ് ഉഷയുടെ കുടുംബത്തിന്റെയും ആരോപണം.