കോട്ടയം: വിതുര സ്വദേശിനിയായ പ്രായപൂര്ത്തിയാകാത്ത പെണ്കുട്ടിയ തട്ടിക്കൊണ്ടുപോയി തടവില് പാര്പ്പിച്ച് പീഡിപ്പിച്ചെന്ന കേസില് ഒന്നാംപ്രതി കൊല്ലം ജുബൈറ മന്സിലില് സുരേഷിന് (ഷംസുദ്ദീന് മുഹമ്മദ് ഷാജഹാന്-52) 37 വര്ഷം കഠിനതടവും പിഴയും ശിക്ഷ.
വിതുര പീഡനക്കേസായി രജിസ്റ്റര്ചെയ്ത 24 കേസിലെ ഒന്നാമതായി രജിസ്റ്റര്ചെയ്ത കേസിലാണ് കോട്ടയം അഡീഷണല് ജില്ലാ സെഷന്സ് കോടതി (രണ്ട്) വെള്ളിയാഴ്ച വിധി പറഞ്ഞത്.
നേരത്തേ വിചാരണ പൂര്ത്തിയായ ഒരു കേസില് ജീവപര്യന്തം തടവിന് ശിക്ഷിക്കപ്പെട്ട ഒന്നാംപ്രതി സുരേഷ് ജയിലില് കഴിയുകയാണ്.
