ന്യൂഡല്ഹി: പശ്ചിമേഷ്യയിലെ യുദ്ധത്തെത്തുടര്ന്നുള്ള ഇന്ധന പ്രതിസന്ധി മറികടക്കാന് രാജ്യത്ത് ലോക്ഡൗണ് പ്രഖ്യാപിക്കുമെന്ന റിപ്പോര്ട്ടുകള് തള്ളി കേന്ദ്ര സര്ക്കാര്.
ഇത്തരം ഒരു നിര്ദേശവും സര്ക്കാരിനു മുന്നില് ഇല്ലെന്നും അഭ്യൂഹങ്ങള് പ്രചരിപ്പിക്കരുതെന്നും കേന്ദ്ര പെട്രോളിയം മന്ത്രി ഹര്ദീപ് സിങ് പുരി എക്സില് കുറിച്ചു.
ലോക്ഡൗണ് പ്രഖ്യാപിക്കുമെന്ന പ്രചാരണങ്ങള് തീര്ത്തും തെറ്റാണെന്ന് പുരി പോസ്റ്റില് പറഞ്ഞു. സര്ക്കാര് ഇത്തരത്തിലുള്ള ഒരു കാര്യവും ആലോചിക്കുന്നില്ല. പരിഭ്രാന്തി പരത്തും വിധം ഊഹാപോഹങ്ങള് പ്രചരിപ്പിക്കുന്നത് നിരുത്തരവാദപരമാണെന്ന് മന്ത്രി പറഞ്ഞു.
