തൊടുപുഴ: നിയോജക മണ്ഡലത്തിലെ ഏഴ് പഞ്ചായത്തുകളിലും ഒരു മുനിസിപ്പാലിറ്റിയിലുമായി സംഘടിപ്പിച്ച യു.ഡി.എഫ് കൺവൻഷനുകൾക്ക് ശേഷമുള്ള രാഷ്ട്രീയ സാഹചര്യത്തിൽ മുന്നണിക്കുള്ള ആത്മവിശ്വാസം ഗണ്യമായി ഉയർന്നതായി നേതാക്കൾ വ്യക്തമാക്കി. വിവിധ കേന്ദ്രങ്ങളിൽ നടന്ന പരിപാടികൾക്ക് ജനങ്ങളുടെ വൻ പ്രാതിനിധ്യം ശ്രദ്ധേയമായി.
തൊഴിലാളികളും കർഷകരും ഉൾപ്പെടെ വിവിധ മേഖലകളിൽ നിന്നുള്ള ജനങ്ങൾ കുത്തൊഴുക്കായി എത്തിയത് കൺവൻഷനുകൾക്ക് ആവേശം പകർന്നു. ജനങ്ങളുടെ പ്രതികരണം മുന്നണിക്കുള്ള പിന്തുണ വർദ്ധിച്ചിരിക്കുന്നതിന്റെ സൂചനയാണെന്ന് നേതാക്കൾ വിലയിരുത്തുന്നു.
പ്രഗത്ഭനായ നേതാവ് പി. ജെ. ജോസഫിൻ്റെ മകൻ അപു ജോൺ ജോസഫ് നടത്തിയ പ്രസംഗങ്ങളും അദ്ദേഹത്തിന്റെ സ്വഭാവ നൈർമ്മല്യവും, ലാളിത്യവും പൊതുജനങ്ങളിൽ മികച്ച സ്വീകാര്യത നേടിയതായി പ്രവർത്തകർ പറയുന്നു. ലളിതവും ജനകീയവുമായ സമീപനം വോട്ടർമാരെ കൂടുതൽ ആകർഷിക്കുന്ന ഘടകമായി മാറിയിരിക്കുകയാണ്.
ആകെക്കൂടി, കൺവൻഷനുകളുടെ വിജയകരമായ സമാപനം യു.ഡി.എഫിന് തിരഞ്ഞെടുപ്പ് മുന്നേറ്റത്തിൽ പുതിയ ഊർജ്ജം പകരുന്നുവെന്ന വിലയിരുത്തലിലാണ് രാഷ്ട്രീയ നിരീക്ഷകർ.
തങ്കച്ചൻ പാലാ
കോട്ടയം മീഡിയ
