കൊല്ലം: കൊട്ടാരക്കര താലൂക്ക് ആശുപത്രിയിലെ ഹൗസ് സര്ജന് ഡോ. വന്ദന ദാസ് കുത്തേറ്റ് കൊല്ലപ്പെട്ട കേസില് പ്രതി ജി സന്ദീപിന് ജീവ പര്യന്തം തടവ് ശിക്ഷ. ഒരു ലക്ഷം രൂപ പിഴയും കോടതി വിധിച്ചു.
കൊലപാതകത്തിന് ജീവപര്യന്തം തടവ് ശിക്ഷയ്ക്ക് പുറമെ, വധശ്രമത്തിന് 10 വര്ഷം കഠിന തടവ്, ആശുപത്രിയില് അതിക്രമം കാണിച്ച് ആരോഗ്യ പ്രവര്ത്തരെ ആക്രമിച്ചതിനും പത്ത് വര്ഷങ്ങള് വീതവും കൊല്ലം സെഷന്സ് കോടതി ശിക്ഷ വിധിച്ചിട്ടുണ്ട്.
കൊലപാതകക്കേസില് പ്രതി ഓടനാവട്ടം കുടവട്ടൂര് ചെറുകരക്കോണം ശ്രീനിലയത്തില് ജി സന്ദീപ് കുറ്റക്കാരനാണെന്ന് കോടതി വെള്ളിയാഴ്ച വിധിച്ചിരുന്നു. 2023 മേയ് 10ന് പുലര്ച്ചെയാണ് വന്ദന മരിക്കുന്നത്.
