കൊല്ലം: കരുനാഗപ്പള്ളിയില് ഗുണ്ടാ നേതാവിനെ പട്ടാപ്പകല് വെട്ടിക്കൊന്നു. അലുവ അതുല് എന്നയാളാണ് കൊല്ലപ്പെട്ടത്. കൊലക്കേസില് ജാമ്യത്തിലിറങ്ങി സ്റ്റേഷനിലെത്തി മടങ്ങുന്നതിനിടെയാണ് അതുലിന് നേരെ ആക്രമണം ഉണ്ടായത്.
കരുനാഗപ്പള്ളി ജിം സന്തോഷ് വധക്കേസിലെ ഒന്നാം പ്രതിയാണ് കൊല്ലപ്പെട്ട അതുല്. കരുനാഗപ്പള്ളി പുതിയ കാവിന് സമീപത്ത് വച്ചായിരുന്നു ആക്രണം. അതുല് സംഞ്ചരിച്ച കാറിനെ പിന്തുടര്ന്നെത്തിയ സംഘമാണ് ആക്രമിച്ചത്. അതുല് സഞ്ചരിച്ച കാറ് ദേശീയപാത നിര്മാണത്തിനായി നിര്മിച്ച താഴ്ചയിലേക്ക് ഇടിച്ചുവീഴ്ത്തിയ ശേഷമാണ് ആക്രമിച്ചത്.
അലുവ അതുലിനെ അതീവ ഗുരുതരാവസ്ഥയിൽ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ പൊലീസ് അന്വേഷണം ആരംഭിച്ചു. എന്നാൽ ആരാണ് ആക്രമണത്തിന് പിന്നിലെന്ന് വ്യക്തമല്ല.
