തിരുവനന്തപുരം: ഗതാഗതമന്ത്രി ഗണേഷ് കുമാറിനെതിരെ ബസുകളില് പോസ്റ്റര് ഒട്ടിച്ച് യൂത്ത് കോണ്ഗ്രസ് പ്രതിഷേധം. മന്ത്രിയുടേയും കോഴിയുടെയും ചിത്രം പതിച്ച പോസ്റ്ററാണ് ബസുകളില് ഒട്ടിച്ചത്. തുടരണോ ഈ കോഴിമന്ത്രി എന്നാണ് പോസ്റ്ററിലുള്ള വാചകം.
തമ്പാനൂര് പൊലീസ് പോസ്റ്റര് ഇളക്കി മാറ്റാന് ശ്രമിച്ചതോടെ ഉന്തുംതള്ളുമുണ്ടായി. പ്രവര്ത്തകരും പൊലീസുമായി സംഘര്ഷമുണ്ടായി. പൊലീസുകാരെ മര്ദിച്ച പ്രവര്ത്തകനെ കസ്റ്റഡിയിലെടുക്കാന് പൊലീസ് ശ്രമിച്ചപ്പോള് മറ്റു പ്രവര്ത്തകര് ഇത് തടഞ്ഞു. പ്രവര്ത്തകരെ കസ്റ്റഡിയിലെടുത്ത് നീക്കം ചെയ്യാനുള്ള ശ്രമത്തിനിടെ വീണ്ടും സംഘര്ഷമുണ്ടായി.
