കൊച്ചി: കോളജ് വിദ്യാര്ഥിനിയായ ജസ്ലിയയെ ഇടിച്ചുതെറിപ്പിച്ച് നിര്ത്താതെപോയ കാര് ഓടിച്ചത് യുവഡോക്ടര്. ചാലാക്ക മെഡിക്കല് കോളജില് എംബിബിഎസ് പഠനം പൂര്ത്തിയാക്കി ഹൗസ് സര്ജന്സി ചെയ്യുന്ന കോട്ടയം അതിരമ്പുഴ സ്വദേശി സിറിയക് ജോര്ജാണ് കാര് ഓടിച്ചിരുന്നത്. ഇയാളുടെ പേരില് ജാമ്യമില്ലാ വകുപ്പു പ്രകാരം പൊലീസ് കേസെടുത്തിട്ടുണ്ട്. വാഹനവും പിടിച്ചെടുത്തു.
സിറിയക്കിനൊപ്പം സഹപാഠി അക്ഷയും കാറില് ഉണ്ടായിരുന്നു. അക്ഷയ് ബുധനാഴ്ച അങ്കമാലി സ്റ്റേഷനിലെത്തി മൊഴി നല്കി. അതേസമയം കാര് ഓടിച്ചിരുന്ന സിറിയക്കിനെ കണ്ടെത്താനായിട്ടില്ലെന്ന് പൊലീസ് പറഞ്ഞു. അപകടംനടന്ന് അഞ്ചുദിവസം പിന്നിട്ടിട്ടും കാര് ഓടിച്ചയാളെ പിടികൂടാത്തതിനാല് പൊലീസിനെതിരേ വ്യാപക പ്രതിഷേധം ഉയര്ന്നിട്ടുണ്ട്.
