പാലക്കാട്: പാലക്കാട് പോക്സോ കേസില് പ്രതിയായ കായികാധ്യാപകനെതിരെ പരാതിയുമായി കൂടുതല് വിദ്യാര്ത്ഥികള്. അധ്യാപകന് മോശമായി പെരുമാറിയെന്ന് ഒരു വിദ്യാര്ത്ഥി കൂടി മൊഴി നല്കി. കൗണ്സിലിംഗിനിടെയാണ് വിദ്യാര്ത്ഥിയുടെ തുറന്നുപറച്ചില്.
പ്രതിയായ അധ്യാപകന്റെ മൊബൈല് പൊലീസ് ശാസ്ത്രീയ പരിശോധനയ്ക്ക് വിധേയമാക്കും. റിമാന്ഡിലുള്ള പ്രതിയെ കസ്റ്റഡിയില് വാങ്ങി ചോദ്യം ചെയ്യാനും നീക്കമുണ്ട്. മൂന്നാമത്തെ എഫ്ഐആര് ആണ് അധ്യാപകനെതിരെ കസബ പൊലീസ് രജിസ്റ്റര് ചെയ്തത്. കഴിഞ്ഞ ദിവസമാണ് വടക്കഞ്ചേരി സ്വദേശിയായ കായിക അധ്യാപകനെ കസബ പൊലീസ് അറസ്റ്റ് ചെയ്തത്. സ്കൂളിലെ കൗണ്സിലിംഗിനിടെ വിദ്യാര്ത്ഥിക്കള് അധ്യാപകനെതിരെ മൊഴി നല്കുകയായിരുന്നു. സംഭവത്തില് സിഡബ്ല്യൂസിയും അന്വേഷണം ആരംഭിച്ചു.
