കല്പ്പറ്റ: വയനാട് മീനങ്ങാടിയിലുണ്ടായ വാഹനാപകടത്തിൽ പരിക്കേറ്റ് ചികിത്സയിൽ കഴിഞ്ഞിരുന്ന മധ്യവയസ്കൻ മരിച്ചു മീനങ്ങാടി മണങ്ങുവയല് കൊന്നക്കാട്ടുവിളയില് സൈദലവി ആണ് മരിച്ചത്. 57 വയസായിരുന്നു. കഴിഞ്ഞ ദിവസം മീനങ്ങാടി 53-ല് വെച്ചായിരുന്നു ഇദ്ദേഹത്തിന്റെ മരണത്തിനിടയാക്കിയ അപകടമുണ്ടായത്.
കാല്നടയാത്രികനായിരുന്ന സൈദലവിയെ ബുള്ളറ്റ് ഇടിച്ചുതെറിപ്പിക്കുകയായിരുന്നു. റോഡിലേക്ക് തെറിച്ച് വീണ ഇദ്ദേഹത്തെ സമീപവാവാസികളും നാട്ടുകാരും ചേർന്ന് ആശുപത്രിയിൽ പ്രവേശിപ്പിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ സൈദലവിയെ പ്പാടിയിലെ സ്വകാര്യ മെഡിക്കല് കോളേജ് ആശുപത്രിയിലാണ് പ്രവേശിപ്പിച്ചത്. ഇവിടെ തീവ്ര പരിചരണ വിഭാഗത്തില് ചികിത്സയിൽ തുടരുന്നതിനിടെയാണ് ഇന്ന് മരണം സംഭവിച്ചത്.
