ന്യൂഡല്ഹി: അന്തരിച്ച മുന് മുഖ്യമന്ത്രി ഉമ്മന് ചാണ്ടിക്കെതിരെ ഗതാഗതവകുപ്പ് മന്ത്രി കെ ബി ഗണേഷ് കുമാര് നടത്തിയ പരാമര്ശം ഖേദകരമാണെന്ന് പ്രതിപക്ഷ നേതാവ് വി ഡി സതീശന്. പരാമര്ശം പിന്വലിച്ച് മാപ്പ് പറയണമെന്ന് വി ഡി സതീശന് പറഞ്ഞു. ഉമ്മന് ചാണ്ടി ആരുടെയും ജീവിതം തകര്ത്തിട്ടില്ലെന്നും കുടുംബ കാര്യങ്ങള് കൂടുതല് പറയുന്നില്ലെന്നും വി ഡി സതീശന് പറഞ്ഞു.
ശബരിമല സ്വര്ണക്കൊള്ള കേസിലെ ഒന്നാം പ്രതി ഉണ്ണികൃഷ്ണന് പോറ്റിയുടെ കൂടെയുള്ള യുഡിഎഫ് കണ്വീനര് അടൂര് പ്രകാശിന്റെ ചിത്രത്തെക്കുറിച്ചും വി ഡി സതീശന് പ്രതികരിച്ചു. ആര്ക്കും ആരുടെയും കൂടെ ഫോട്ടോ എടുക്കാലോയെന്ന് വി ഡി സതീശന് ചോദിച്ചു. മുഖ്യമന്ത്രിക്കൊപ്പം എത്രയോ പേര് ഫോട്ടോ എടുക്കുന്നുവെന്നും അദ്ദേഹം ചോദിച്ചു.
