നെല്ലിയാനി: സെൻ്റ് സെബാസ്റ്റ്യൻസ് പള്ളിയിൽ പുതുതായി നിർമ്മിച്ച കൊടിമരത്തിന്റെ ആശിർവാദ സമർപ്പണവും വിശുദ്ധ സെബസ്ത്യാനോസിന്റെ (വല്യച്ചൻ) തിരുനാളിന്റെ കൊടിയേറ്റ് കർമ്മവും ജനുവരി 17 ശനിയാഴ്ച വൈകുന്നേരം 3.30 ന് പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട് നിർവഹിക്കും. 4 മണിക്ക് മോൺ ജോസഫ് തടത്തിൽ വിശുദ്ധ കുർബാന അർപ്പിച്ച് സന്ദേശം നൽകും. തുടർന്ന് നൊവേന, ലദീഞ്ഞ്.
18-ാം തീയതി ഞായറാഴ്ച രാവിലെ 7 മണിക്ക് സെൻ്റ് സെബാസ്റ്റ്യൻസ് കപ്പേളയിൽ വികാരി ഫാ. ജോസഫ് ഇല്ലിമൂട്ടിൽ ദിവ്യബലി അർപ്പിക്കും.
ഉച്ചകഴിഞ്ഞ് 2 .30 ന് തിരുസ്വരൂപ പ്രതിഷ്ഠ. 3. 45 ന് ചെണ്ടമേളം. 4.15 ന് ബാൻഡ് മേളം. 5 മണിക്ക് ആഘോഷമായ തിരുനാൾ കുർബാനയ്ക്ക് ഫാ. മനോജ് പൂത്തോട്ടാൽ സി.എം.ഐ. കാർമികത്വം വഹിക്കും. തുടർന്ന് പ്രദക്ഷിക്കണം കപ്പളയിലേക്ക്. പ്രസംഗം റവ.ഫാ. പോൾ പാറക്കൽ.
ജനുവരി 19 തിങ്കളാഴ്ച രാവിലെ 8.30 ന് ചെണ്ടമേളം, 9 മണിക്ക് ബാൻഡ് മേളം, തുടർന്ന് 10 മണിക്ക് ആഘോഷമായ തിരുനാൾ കുർബാന. സന്ദേശം ഫാ. ചെറിയാൻ കുന്നക്കാട്ട്. തുടർന്ന് പ്രദക്ഷിണം. 12.30 ന് ഊട്ടുനേർച്ച. വൈകുന്നേരം 7 മണിക്ക് കാഞ്ഞിരപ്പള്ളി അമല കമ്മ്യൂണിക്കേഷന്റെ ഗാനമേള.
ജനുവരി 20 ചൊവ്വാഴ്ച രാവിലെ 6 30 ന് വി.കുർബാന, സെമിത്തേരി സന്ദർശനം, ഒപ്പീസ്, തിരുനാളിന് ഒരുക്കമായുള്ള 9 ദിവസത്തെ വി. കുർബാന, നൊവേന. എല്ലാദിവസവും വൈകുന്നേരം 5 മണിക്ക് കഴുന്ന് എഴുന്നള്ളിക്കുന്നതിന് സൗകര്യമുണ്ടായിരിക്കും.
