തിരുവനന്തപുരം: ബലാത്സംഗക്കേസില് അറസ്റ്റിലായ രാഹുല് മാങ്കൂട്ടത്തില് എംഎല്എയെ പിന്തുണയ്ക്കുകയും തന്നെ അധിക്ഷേപിക്കുകയും ചെയ്ത പത്തനംതിട്ട ജില്ലാ പഞ്ചായത്ത് അംഗം ശ്രീനാദേവി കുഞ്ഞമ്മയ്ക്കെതിരെ കോണ്ഗ്രസ് നേതൃത്വത്തിനും പരാതി നല്കി അതിജീവിത.
തനിക്കെതിരായ സൈബര് ആക്രമണം തടയാന് ഇടപെടണമെന്നാണ് ആവശ്യം. കെപിസിസി അധ്യക്ഷന് സണ്ണി ജോസഫ്, പ്രതിപക്ഷ നേതാവ് വി ഡി സതീശന്, കെപിസിസി വൈസ് പ്രസിഡന്റ് അടൂര് പ്രകാശ്, കെപിസിസി വര്ക്കിങ് പ്രസിഡന്റുമാരായ എ പി അനില്കുമാര്, പി സി വിഷ്ണുനാഥ്, ഷാഫി പറമ്പില് എന്നിവര്ക്കാണ് അതിജീവിത പരാതി നല്കിയത്. ശ്രീനാദേവി കുഞ്ഞമ്മയ്ക്കെതിരെ പൊലീസിലും അതിജീവിത പരാതി നല്കിയിരുന്നു.
