പാലക്കാട്: ആര്എസ്എസ് റൂട്ട് മാര്ച്ചില് പങ്കെടുത്തതിന് എക്സൈസ് ജീവനക്കാരനെ സര്വീസില്നിന്ന് സസ്പെന്ഡ് ചെയ്തു.
മണ്ണാര്ക്കാട് എക്സൈസ് റേഞ്ച് ഓഫീസിലെ അസിസ്റ്റന്റ് എക്സൈസ് ഇന്സ്പെക്ടര് (ഗ്രേഡ്) കല്ലടിക്കോട് കാഞ്ഞിരാനി വീട് കെ വി ഷണ്മുഖ (54) നെയാണ് അന്വേഷണ വിധേയമായി സസ്പെന്ഡ് ചെയ്തത്.
മഹാനവമിയോടനുബന്ധിച്ച് കല്ലടിക്കോട് മാപ്പിള സ്കൂള് പരിസരത്ത്നിന്ന് ആരംഭിച്ച് കാഞ്ഞിക്കുളം സ്വകാര്യ ആശുപത്രിക്ക് മുമ്പില് സമാപിച്ച ആര്എസ്എസ് കല്ലടിക്കോട് പ്രഖണ്ഡിന്റെ റൂട്ട് മാര്ച്ചില് ഗണവേഷമണിഞ്ഞ് പങ്കെടുക്കുകയായിരുന്നു.
കേരള സര്ക്കാര് ജീവനക്കാര്ക്കുള്ള ചട്ടങ്ങള്ക്ക് വിരുദ്ധമായി പ്രവര്ത്തിച്ചെന്ന റിപ്പോര്ട്ടിന്റെ അടിസ്ഥാനത്തിലാണ് നടപടി.
