തൃശൂര് ചാലക്കുടി അതിരപ്പള്ളിയില് ആദിവാസി വിഭാഗത്തില്പ്പെട്ട വനിതാ വാച്ചര്ക്ക് നേരെ ലൈംഗികാതിക്രമം.
വാഴച്ചാല് ഡിവിഷന് കീഴിലെ സെഷന്സ് ഫോറസ്റ്റ് ഓഫീസറാണ് ലൈംഗികാതിക്രമം നടത്തിയത്. കേസില്, സെഷന്സ് ഫോറസ്റ്റ് ഓഫീസര് പി പി ജോണ്സണെ പൊലീസ് കസ്റ്റഡിയിലെടുത്തു.
ചാലക്കുടി ഡിവൈഎസ്പിയുടെ നേതൃത്വത്തിലുള്ള സംഘമാണ് വനംവകുപ്പ് ഉദ്യോഗസ്ഥനെ പിടികൂടിയത്. ഒക്ടോബര് ആറിനായിരുന്നു കേസിനാസ്പദമായ സംഭവം.
വനിതാ വാച്ചറുടെ പരാതിയുടെ അടിസ്ഥാനത്തിലാണ് പി പി ജോണ്സണെ കസ്റ്റഡിയിലെടുത്തിരിക്കുന്നത്. ഇയാളെ ചാലക്കുടി ഡിവൈഎസ്പിയുടെ ഓഫിസില് വിശദമായി ചോദ്യം ചെയ്ത് വരികയാണ്.
