കൊച്ചി: ഹിജാബിനെച്ചൊല്ലിയുളള തർക്കത്തെ തുടർന്ന് എറണാകുളത്തെ സ്കൂള് അടച്ചിട്ടു. പള്ളുരുത്തി സെന്റ് റീത്താസ് ഹൈസ്കൂളിലാണ് സംഭവം.
സ്കൂളിലെ എട്ടാം ക്ലാസ് വിദ്യാർത്ഥിനി ഹിജാബ് ധരിച്ച് സ്കൂളില് വരണമെന്ന് ആവശ്യപ്പെടുകയായിരുന്നു. എന്നാല് സ്കൂളില് ഹിജാബ് അനുവദിക്കില്ലെന്നും യൂണിഫോമിന്റെ ഭാഗമല്ലെന്നും സ്കൂള് മാനേജ്മെന്റ് അറിയിച്ചു. ഇത് തർക്കത്തിലെത്തുകയും സ്കൂള് അടച്ചിടുകയായിരുന്നു.
ഹിജാബിന്റെ പേരില് പുറത്തുനിന്ന് ചിലരെത്തി സ്കൂളില് ഭീകരാന്തരീക്ഷം ഉണ്ടാക്കിയെന്നും അതുകൊണ്ട് അടച്ചിട്ടെന്നാണ് സ്കൂള് മാനേജ്മെന്റ് അറിയിച്ചത്. സ്കൂളിന് സംരക്ഷണം ആവശ്യപ്പെട്ട് മാനേജ്മെന്റ് ഹൈക്കോടതിയെ സമീപിച്ചതോടെ പൊലീസ് സംരക്ഷണം ഏർപ്പെടുത്തുകയായിരുന്നു.
കുട്ടികള് മാനസിക സമ്മർദ്ദത്തില് ആയതിനാല് രണ്ടു ദിവസം സ്കൂള് അടച്ചിട്ടിരിക്കുന്നതെന്നാണ് പ്രിൻസിപ്പല് സിസ്റ്റർ ഹെലീന അറിയിച്ചത്. കോടതി പരിധിയിലുള്ള വിഷയമായതിനാല് കൂടുതല് കാര്യങ്ങള് പറയുന്നില്ലെന്നും പ്രിൻസിപ്പല് പ്രതികരിച്ചു.
