പാലാ: അറുപത്തി ഒന്നാം വർഷം പിന്നിടുന്ന കേരള കോൺഗ്രസ് പാർട്ടിയുടെ ജന്മദിനം പാലാമണ്ഡലത്തിലുടനീളം ചുവപ്പും വെള്ളയും കലർന്ന ഇരുവർണ്ണ കൊടി വാനംമുട്ടെ ഉയർത്തി പാർട്ടി പ്രവർത്തകർ ആവേശത്തോടെ ആഘോഷമാക്കി.
തൊണ്ട പൊട്ടുമാറുച്ചത്തിൽ ഉയരട്ടങ്ങനെ ഉയരട്ടെ ഇരുവർണ്ണക്കൊടി ഉയരട്ടെ, മന്നം കൊളുത്തിയ ദീപം കെടാതെ ഞങ്ങൾ സൂക്ഷിക്കും. എന്ന് നഗരസഭാദ്ധ്യക്ഷൻ തോമസ് പീറ്റർ വിളിച്ചു കൊടുത്ത മുദ്രാവാക്യം ആവേശത്തോടെയാണ് പ്രവർത്തകർ ഏറ്റുവിളിച്ചത്.
പാർട്ടിക്ക്പേരിട്ട് വിളിച്ച് പ്രഖ്യാപനം നടത്തിയ ഭാരത കേസരി മന്നത്തിനെയും മൺമറഞ്ഞ കെ.എം.മാണിസാറിനെയും സ്മരിച്ചു കൊണ്ടും ഇപ്പോൾ പാർട്ടിയെ നയിക്കുന്ന ചെയർമാൻ ജോസ് കെ.മാണിയ്ക്ക് ഉറച്ച പിന്തുണ പ്രഖ്യാപിച്ചു കൊണ്ടുമാണ് ജന്മദിനാഘോഷം നടത്തിയത്.
പാലായിൽ നടത്തിയ യോഗത്തിൽ നിയോജക മണ്ഡലം പ്രസിഡണ്ട് ടോബിൻ’ കെ.അലക്സ് പതാക ഉയർത്തി. ജില്ലാ പ്രസിഡണ്ട് പ്രൊഫ. ലോപ്പസ് മാത്യു, ബേബി ഇഴുത്തുവാൽ, നഗരസഭാ ചെയർമാൻതോമസ് പീറ്റർ, ബിജു പാലൂ പടവൻ, ജോസുകുട്ടി പൂവേലി, പെണ്ണമ്മ ജോസഫ് ,കൗൺസിലർമാരായ ആൻ്റോ ജോസ് പടിഞ്ഞാറേക്കര, ബൈജു കൊല്ലമ്പറമ്പിൽ ,ഷാജു തുരുത്തൻ ,സാവിയോ കാവുകാട്ട് ,ബിജി ജോജോ, നീനാ സണ്ണി ,സോണി മൈക്കിൾ എന്നിവർ പ്രസംഗിച്ചു.
, ജനപ്രതിനിധികൾ, പാർട്ടി പോഷക സംഘടനാ നേതാക്കൾ എന്നിവർ ചടങ്ങിൽ പങ്കെടുത്തു.
