സംസ്ഥാനത്ത് വരുന്ന രണ്ടു ദിവസം ഒറ്റപ്പെട്ട ശക്തമായ മഴക്ക് സാധ്യത. ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂര് എന്നീ ജില്ലകളില് നാളെ യെല്ലോ അലര്ട്ടാണ്.
വരും മണിക്കൂറുകളില് കേരളത്തിലെ എല്ലാ ജില്ലകളിലും ഒറ്റപ്പെട്ട ഇടത്തരം മഴയുണ്ടാകും എന്ന് കാലാവസ്ഥാവകുപ്പ് അറിയിച്ചു.
പശ്ചിമ ബംഗാള്, വടക്കന് ഒഡിഷ, വടക്ക് പടിഞ്ഞാറന് ബംഗാള് ഉള്ക്കടലിനും മുകളിലായി ന്യൂനമര്ദ്ദം സ്ഥിതിചെയ്യുന്നു. അടുത്ത 24 മണിക്കൂറിനുള്ളില് ഇത് ദുര്ബലമാകാന് സാധ്യതയുണ്ട്.
നാളെ മധ്യ കിഴക്കന് – വടക്കന് ബംഗാള് ഉള്ക്കടലിനു മുകളിലായി മറ്റൊരു പുതിയ ന്യൂനമര്ദ്ദം കൂടി രൂപപ്പെടാന് സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.
