പത്തനംതിട്ട: ആഗോള അയ്യപ്പ സംഗമത്തിന് പിന്തുണ നല്കി ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്.
ദേവസ്വം മന്ത്രി വി എന് വാസവന് കത്തയച്ചാണ് പിന്തുണ അറിയിച്ചത്. ദേവസ്വം മന്ത്രിയുടെ ക്ഷണക്കത്തിന് മറുപടിയായിരുന്നു യോഗിയുടെ കത്ത്.
ആഗോള അയ്യപ്പ സംഗമത്തിന് ആശംസകള് നേരുന്നതായി യോഗി പറഞ്ഞു. അയ്യപ്പ സംഗമത്തിന്റെ ലക്ഷ്യം നിറവേറ്റാന് കഴിയട്ടെയെന്നും യോഗി ആദിത്യനാഥ് ആശംസിച്ചു.
ആഗോള അയ്യപ്പ സംഗമം മുഖ്യമന്ത്രി പിണറായി വിജയന് തിരി തെളിയിച്ച് ആരംഭിച്ചു. വെള്ളാപ്പള്ളി നടേശന്, ഗോകുലം ഗോപാലന്, ദേവസ്വം ബോര്ഡ് പ്രസിഡന്റ്, മെമ്പര്മാര്, ജില്ലാ കലക്ടര് എന്നിവരും സമീപമുണ്ടായിരുന്നു.
ദേവസ്വം വകുപ്പ് മന്ത്രി വി എന് വാസവന്, ആരോഗ്യമന്ത്രി വീണ ജോര്ജ്, മുന് ദേവസ്വം വകുപ്പ് മന്ത്രി കടകംപുള്ളി സുരേന്ദ്രന് തുടങ്ങിയവര് വേദിയിലുണ്ടായിരുന്നു.
