സിനിമ ഉപേക്ഷിക്കാന് സൗകര്യമില്ലെന്ന് കേന്ദ്രമന്ത്രി സുരേഷ് ഗോപി. വികസന കാഴ്ചപ്പാടുകള് ചര്ച്ച ചെയ്യുന്നതിന് കൊടുങ്ങല്ലൂരില് സംഘടിപ്പിച്ച കലുങ്ക് സൗഹൃദസംവാദത്തിലാണ് സുരേഷ് ഗോപിയുടെ പ്രതികരണം.
കലുങ്ക് സൗഹൃദ സംവാദം നിര്ത്താന് നോക്കേണ്ടെന്നും പതിനാല് ജില്ലകളിലും പോകുമെന്നും സുരേഷ് ഗോപി വ്യക്തമാക്കി. പുള്ളിലെ കൊച്ചുവേലായുധന് വീട് കിട്ടിയതില് സന്തോഷമെന്നും സുരേഷ് ഗോപി പറഞ്ഞു.
14 ജില്ലകളിലേക്കും പോകുന്നുണ്ട്. ഇത് തടയാന് ആര്ക്കും പറ്റില്ല. ഒരു ജനപ്രതിനിധി എന്ന നിലയ്ക്ക് എന്റെ അവകാശമാണ്. ഞാന് അത് ചെയ്തുകൊണ്ടേയിരിക്കും.
അവിടെയും ഇവിടെയും തെന്നിയും തെറിച്ചും കിടക്കുന്ന ചില കൈപ്പിഴകളെല്ലാം ചൂണ്ടിക്കാണിച്ച് ഈ തീഗോളം കെടുത്താമെന്ന് ഒരുത്തനും കരുതണ്ട. നടക്കില്ല. അതിനൊക്കെയുള്ള ചങ്കുറപ്പ് ഭരത്ചന്ദ്രനുണ്ടെങ്കില് അത് സുരേഷ്ഗോപിക്കുമുണ്ട്.
