പാലാ: ഭഗവാൻ ശ്രീകൃഷ്ണന്റെ സ്മരണകളുണർത്തി നാടെങ്ങും ശ്രീകൃഷ്ണ ജയന്തി ആഘോഷം നടന്നു.ഗ്രാമ-നഗര ഭേദമില്ലാതെ എവിടെയും പീതാംബരമണിഞ്ഞ ഉണ്ണിക്കണ്ണന്മാരും ശ്രീകൃഷ്ണ- രാധമാരും നിറഞ്ഞാടിയ വീഥികൾമധുരാപുരിയും അമ്പാടിയുമായുമായി. ഉണ്ണിക്കണ്ണന്മാരും രാധമരും
വീഥികൾ കീഴടക്കി.
ഗ്രാമം തണലൊരുക്കട്ടെ ബാല്യം സഫലമാകട്ടെ’ എന്ന ജൻമാഷ്ടമി സന്ദേശം ഉയർത്തി ബാലഗോകുലം സുവർണ്ണ ജയന്തി ആഘോഷിക്കുന്ന ഈ വർഷം വിവിധ ബാലഗോകുലങ്ങളുടെ നേതൃത്വത്തിലാണ് ശോഭായാത്രകൾ നടന്നത്.പാലായിൽ വിവിധ ബാലഗോകുലങ്ങളുടെ ആഭിമുഖ്യത്തിൽ നടന്ന ശോഭായാത്രയിൽ ഇടയാറ്റ് ബാലഗണപതിക്ഷേത്രം, പന്ത്രണ്ടാംമൈൽ നരസിംഹസ്വാമി ക്ഷേത്രം, മുരിക്കുംപുഴ ദേവി ക്ഷേത്രം,കടപ്പാട്ടൂർ മഹാദേവക്ഷേത്രം വെള്ളിയേപ്പള്ളി,
ളാലം മഹാദേവക്ഷേത്രം, പോണാട് ഭഗവതി ക്ഷേത്രം, കരൂർ,പാറപ്പള്ളി ഗരുഡത്തുമന ശ്രീധർമ്മ ശാസ്താക്ഷേത്രം,ചെത്തിമറ്റം പുതിയകാവ് ദേവീക്ഷേത്രം എന്നിവിടങ്ങളിൽ നിന്നുള്ള ശോഭായാത്രകൾ പാലാ മഹാറാണി കവലയിൽ സംഗമിച്ച് മഹാ ശോഭായാത്രയായി നഗരംചുറ്റി വൈകിട്ട് മുരിക്കുംപുഴ ദേവീക്ഷേത്രത്തിലെ ശ്രീകൃഷ്ണസ്വാമി ക്ഷേത്രാങ്കണത്തിൽ സമാപിച്ചു.
തുടർന്ന് ഉറിയടി, പാൽപായസ വിതരണം,ഗോപികാനൃത്തം എന്നിവ നടന്നു. ശോഭായാത്രകൾക്ക് ബാലഗോകുലം ജില്ലാസമിതിയംഗം റ്റി.എൻ.രഘു ഇടയാറ്റ്, പ്രശാന്ത് കടപ്പാട്ടൂർ,മിഥുൻ കൃഷ്ണവിവിധ സ്ഥലങ്ങളിലെ കൺവീനർമാരായവി.സി. ചന്ദ്രൻ,മായാ മോഹൻ,വിനോദ് പുന്നമറ്റം,സുധീർ കമലാനിവാസ്, ജിലു കല്ലറയ്ക്കതാഴെ,കെ.എസ്.ഗിരീഷ്,അഭിലാഷ് രാജ്, കെ.എം.പ്രസീത്,സുനീഷ് വെള്ളാപ്പാട്,സതീഷ്കുമാർ,കണ്ണൻ ചെത്തിമറ്റം,എം.ആർ.ബിനു എം.ആർ.രാജേഷ്ടി.പി.ഷാജി,വിനോദ് പോണാട്,സുര്യൻ വെള്ളിയെപ്പള്ളി തുടങ്ങിയവർ നേതൃത്വം നൽകി.
