കോഴിക്കോട്: മണ്ണിടിച്ചിൽ ഉണ്ടായ താമരശ്ശേരി ചുരത്തിൽ ഗതാഗത നിയന്ത്രണം തുടരും എന്ന് അറിയിപ്പ്. മഴ കുറയുന്ന സമയങ്ങളില് ഒറ്റവരിയായി ചെറുവാഹനങ്ങള് മാത്രംകടത്തി വിടാൻ ആണ് തീരുമാനം.
ഭാരമേറിയ വാഹനങ്ങള് അനുവദിക്കില്ല. ചുരത്തിലെ കല്ലും മണ്ണും പൂര്ണമായും നീക്കിയിട്ട് ഉണ്ട്. മഴ ശക്തമായി പെയ്യുന്ന സമയങ്ങളില് വാഹന ഗതാഗതം അനുവദിക്കില്ല എന്ന് കോഴിക്കോട് ജില്ലാ കലക്ടർ അറിയിച്ചു.
റോഡിന്റെ താമരശ്ശേരി, വയനാട് ഭാഗങ്ങളില് ഇതിനായുള്ള ക്രമീകരണങ്ങള് വരുത്താനും കലക്ടർ നിര്ദ്ദേശം നല്കി..വയനാട്ടിലേക്കും തിരിച്ചുമുള്ള ഭാരം കൂടിയ വാഹനങ്ങള് കുറ്റ്യാടി, നാടുകാണി ചുരങ്ങളും കണ്ണൂര് റോഡും ഉപയോഗപ്പെടുത്തണമെന്നും അധികൃതർ അറിയിച്ചു.
