കണ്ണൂർ കുറ്റ്യാട്ടൂരില് സുഹൃത്ത് പെട്രോൾ ഒഴിച്ച് തീ കൊളുത്തിയ യുവതി മരിച്ചു. പരിയാരം മെഡിക്കൽ കോളേജിൽ ചികിത്സയിൽ കഴിയവയൊണ് 31 കാരിയായ പ്രവീണ മരിച്ചത്. സുഹൃത്തായ പെരുവളത്തുപറമ്പ് സ്വദേശി ജിജേഷാണ് യുവതിയെ കൊലപ്പെടുത്തിയത്.
ഇന്നലെ ഉച്ചയോടെയാണ് സംഭവം ഉണ്ടായത്. കുറ്റ്യാട്ടൂരിൽ പ്രവീണയുടെ ഭർത്താവിന്റെ വീട്ടിൽ വെച്ചായിരുന്നു സംഭവം നടന്നത്. സംഭവം നടക്കുമ്പോള് യുവതിയും പിതാവുമായിരുന്നു വീട്ടില് ഉണ്ടായിരുന്നത്. വെള്ളം ചോദിച്ചാണ് ജിതേഷ് വീട്ടിനുള്ളില് പ്രവേശിച്ചതെന്നാണ് നാട്ടുകാര് നല്കുന്ന വിവരം.
ഇതിന് ശേഷം യുവതിയെ തീകൊളുത്തുകയായിരുന്നു. വീടിന്റെ പിന്ഭാഗത്ത് വര്ക്ക് ഏരിയയില്വെച്ചാണ് തീകൊളുത്തിയത്. നിലവിളി കേട്ട് ഓടിയെത്തിയ സമീപവാസികളാണ് തീയണച്ചത്. പ്രവീണ ഇരിക്കുന്ന നിലയിലും ജിതേഷ് കമഴ്ന്ന് കിടക്കുന്ന നിലയിലുമായിരുന്നു.
