ബിജാപ്പൂര്: ഛത്തീസ്ഗഡിലെ ബിജാപ്പൂര് ജില്ലയില് മാവോയിസ്റ്റ് ആക്രമണത്തില് ഒരു ജവാന് വീരമൃത്യു, മൂന്ന് പേര്ക്ക് പരിക്ക്.
ഐഇഡി (കുഴിബോംബ്) പൊട്ടിത്തെറിച്ചുണ്ടായ അപകടത്തിലാണ് ജവാന് ജീവന് നഷ്ടമായത്. ജില്ലാ റിസര്വ് ഗാര്ഡ് (ഡിആര്ജി) ജവാനാണ് വീരമൃത്യു വരിച്ചത്.
ഡിആര്ജി സംഘം ഇന്ദ്രാവതി ദേശീയോദ്യാനത്തിനുള്ളില് നക്സല് വിരുദ്ധ ഓപ്പറേഷന് നടത്തുന്നതിനിടെയായിരുന്നു ഇന്ന് രാവിലെ സ്ഫോടനമുണ്ടായത്. ഞായറാഴ്ച്ചയാണ് ഓപ്പറേഷന് ആരംഭിച്ചത്.
