തിരുവനന്തപുരം: ഓണ്ലൈന് ഡേറ്റിങ് ആപ്പ് വഴി യുവാവിനെ കബളിപ്പിച്ച് സ്വര്ണം തട്ടിയ കേസിലെ പ്രതികള് നൂറിലധികം ആളുകളെ തട്ടിപ്പിന് ഇരയാക്കിയതായി പൊലീസ്. ഇവർ സ്വവര്ഗാനുരാഗികളായ നൂറിലധികം യുവാക്കളെ തട്ടിപ്പിനിരയാക്കി എന്നും എന്നാല് പലരും നാണക്കേട് കാരണം പരാതി നല്കാന് തയ്യാറായില്ലെന്നും പൊലീസ് വ്യക്തമാക്കി.
ഗ്രിന്റര് എന്ന ഡേറ്റിങ് ആപ്പിലൂടെയാണ് സംഘം ആളുകളെ പറ്റിക്കുന്നത്. സാമൂഹികമാധ്യമങ്ങളില് നല്കുന്ന പരസ്യത്തിലൂടെയാണ് ഇവര് ആളുകളെ ഡേറ്റിങ് ആപ്പിലേക്ക് എത്തിക്കുന്നത്.
പത്ത് കിലോമീറ്റര് പരിധിയിലുള്ള യുവാക്കള്ക്ക് പ്രതികള് തങ്ങളുടെ ചിത്രങ്ങള് അയച്ചുകൊടുക്കുകയും ഇവരെ വിളിച്ചുവരുത്തുന്നതുമാണ് സംഘത്തിന്റെ രീതി.
