കൊച്ചി: താരസംഘടനയായ എഎംഎംഎയിലെ മെമ്മറി കാര്ഡ് വിവാദം തെരഞ്ഞെടുപ്പ് തന്ത്രമെന്ന് നടി മാലാ പാര്വതി. 2018 മുതല് 2025 വരെ ഒരു ജനറല് ബോഡിയിലും ഇക്കാര്യം ഉന്നയിച്ച് കേട്ടിട്ടില്ല.
തെരഞ്ഞെടുപ്പില് ബാബുരാജിനെ പ്രകീര്ത്തിച്ചുകൊണ്ട് സംസാരിക്കുന്ന ഉഷ ഹസീനയും പൊന്നമ്മ ബാബുവും പറയുന്ന ആരോപണത്തെ തെരഞ്ഞെടുപ്പ് തന്ത്രമായാണ് താന് കാണുന്നതെന്ന് മാലാ പാര്വതി പറഞ്ഞു.
ഫേസ്ബുക്ക് കുറിപ്പിലാണ് ഉഷ ഹസീനയെയും പൊന്നമ്മ ബാബുവിനെയും തള്ളി മാലാ പാര്വതി രംഗത്തെത്തിയത്. വിഷയത്തില് താന് നടത്തിയ ഇടപെടലിന്റെ സ്ക്രീന്ഷോട്ടടക്കം പങ്കുവെച്ചാണ് മാലാ പാര്വതിയുടെ കുറിപ്പ്.
