കോഴിക്കോട്: വടകര ആയഞ്ചേരിയില് ഇന്നോവ കാറും ഓട്ടോറിക്ഷയും കൂട്ടിയിടിച്ച് അഞ്ച് പേര്ക്ക് പരിക്കേറ്റു.
കുറ്റ്യാടി ഭാഗത്തേയ്ക്ക് പോകുക ആയിരുന്ന ഇന്നോവ കാര് എതിരേ വന്ന ഓട്ടോയില് ഇടിക്കുക ആയിരുന്നു. ഓട്ടോയില് സഞ്ചരിച്ചിരുന്ന വടകര സ്വദേശികൾ ആയ രണ്ട് പേര്ക്ക് സാരമായി പരിക്കേറ്റിട്ടുണ്ട്.
ഇവരെ ആദ്യം വടകര ജില്ലാ ആശുപത്രിയിലും പിന്നീട് വിദഗ്ധ ചികിത്സക്കായി കണ്ണൂരിലെ സ്വകാര്യ ആശുപത്രിയിലും പ്രവേശിപ്പിച്ചു. കാറിലുണ്ടായിരുന്ന മൂന്ന് പേരെ പരിക്കുകളോടെ ആയഞ്ചേരിയിലെ ആശുപത്രിയില് പ്രവേശിപ്പിച്ചിട്ടുണ്ട്. ഇടിയുടെ ആഘാതത്തില് ഓട്ടോയും സമീപത്തെ ട്രാന്സ്ഫോര്മറും തകര്ന്ന നിലയിലാണ്. വൈദ്യുതി ബന്ധം വിച്ഛേദിക്കപ്പെട്ടതിനാല് കൂടുതല് അപകടം ഒഴിവാകുകയായിരുന്നു.
