സാങ്കേതിക വിസ്മയമൊരുക്കി ‘അസ്ത്ര 11.0’; പാലാ സെന്റ് ജോസഫ്‌സ് കോളേജിൽ ഒരുക്കങ്ങൾ പൂർത്തിയായി

പാലാ: രാജ്യത്തെ യുവ എൻജിനീയറിങ് പ്രതിഭകളെ ഒരുകുടക്കീഴിൽ അണിനിരത്തുന്ന പാലാ സെന്റ് ജോസഫ്‌സ് കോളേജ് ഓഫ് എൻജിനീയറിങ് ആൻഡ് ടെക്‌നോളജിയുടെ ദേശീയ സാങ്കേതിക മേളയായ ‘അസ്ത്ര 11.0’ന് ക്യാമ്പസിൽ അരങ്ങുണരുന്നു. സെപ്റ്റംബർ 17, 18 തീയതികളിലായി നടക്കുന്ന മേളയ്ക്കുള്ള അവസാനഘട്ട ഒരുക്കങ്ങൾ പൂർത്തിയായതായി സംഘാടക സമിതി അറിയിച്ചു. കഴിഞ്ഞ ഒരു പതിറ്റാണ്ടായി ശ്രദ്ധേയമായ അസ്ത്രയുടെ പതിനൊന്നാം പതിപ്പിൽ ഇത്തവണ റെക്കോർഡ് പങ്കാളിത്തമാണ് പ്രതീക്ഷിക്കുന്നത്.

80-ലധികം മത്സരങ്ങൾ; പ്രമുഖ കോളേജുകളിൽ നിന്ന് പങ്കാളിത്തം വിവിധ സംസ്ഥാനങ്ങളിലെ പ്രമുഖ സാങ്കേതിക വിദ്യാഭ്യാസ സ്ഥാപനങ്ങളിൽ നിന്നായി ആയിരക്കണക്കിന് വിദ്യാർത്ഥികളാണ് ഇതിനകം രജിസ്റ്റർ ചെയ്തിട്ടുള്ളത്. ആർട്ടിഫിഷ്യൽ ഇന്റലിജൻസ് (AI), സൈബർ സെക്യൂരിറ്റി, കമ്പ്യൂട്ടർ സയൻസ്, റോബോട്ടിക്‌സ് തുടങ്ങിയ നവീന മേഖലകളിലെ വിജ്ഞാന വിനിമയത്തിന് മുൻഗണന നൽകുന്ന സാങ്കേതികവിദ്യകൾ അസ്ത്ര 11.0 യുടെ ഭാഗമാകും.

24 മണിക്കൂർ നീളുന്ന ഹാക്കത്തോൺ, നാഷണൽ ലെവൽ കോഡിങ് മത്സരങ്ങൾ, എഐ ഒബ്‌സ്റ്റാക്കിൾ റൺ എന്നിവ അസ്ത്ര 11.0 യുടെ മുഖ്യ ആകർഷണങ്ങളാണ്. കൂടാതെ കാമ്പസിന് ആവേശം പകരാൻ അത്യാധുനിക ഗോ-കാർട്ട് റേസിങ്, ഡ്രോൺ പറത്തൽ ശിൽപ്പശാല, വിആർ (Virtual Reality) എക്സ്പീരിയൻസ് സോൺ എന്നിവയും അസ്ത്രയിൽ അരങ്ങേറും.

വിവിധ ഡിപ്പാർട്ട്‌മെന്റുകൾ സംയുക്തമായി സംഘടിപ്പിക്കുന്ന സാങ്കേതിക-ഇതര മത്സരങ്ങളിലെ വിജയികൾക്കായി വൻ സമ്മാനത്തുകയാണ് ഏർപ്പെടുത്തിയിട്ടുള്ളത്. ഇതിനുപുറമെ വിദ്യാർത്ഥികൾ വികസിപ്പിച്ചെടുത്ത നൂതന പ്രോജക്ടുകളുടെ പ്രദർശനവും ക്യാമ്പസിൽ നടക്കും.
സ്‌പോട്ട് രജിസ്ട്രേഷനും കൂടുതൽ വിവരങ്ങൾക്കുമായി asthra.sjcet.in എന്ന വെബ്‌സൈറ്റ് സന്ദർശിക്കുക.