Kerala
“അശരണർക്ക് സ്നേഹവും കരുതലും; പാലാ മരിയസദനത്തിൽ മദർ തെരേസ ദിനാചരണം”
പാലാ: മരിയാസദനം സൈക്കോ-സോഷ്യൽ റീഹാബിലിറ്റേഷൻ സെന്ററിന്റെ ആഭിമുഖ്യത്തിൽ മദർ തെരേസ ദിനം ആചരിച്ചു. മരിയാസദനത്തിൽ നടന്ന ചടങ്ങിൽ ഡയറക്ടർ ശ്രീ. സന്തോഷ് ജോസഫ് സ്വാഗതം ആശംസിച്ചു. പാലാ മുനിസിപ്പാലിറ്റി കൗൺസിലർ ജിജി ബൈജു കൊല്ലമ്പറമ്പിൽ അധ്യക്ഷത വഹിച്ച ചടങ്ങിൽ കെയർ ഹോംസ് പാലാ ഡയറക്ടർ ശ്രീ. ജോർജ് നെല്ലിക്കുന്ന് ചെരിവുപുരയിടം ദിനാചരണത്തിന്റെ ഉദ്ഘാടനം നിർവഹിച്ചു.
ചടങ്ങിൽ എസ്.ഡി. കോൺവെന്റിലെ സിസ്റ്റർ അനീസ്, സ്നേഹാരം സ്പെഷ്യൽ സ്കൂളിലെ സിസ്റ്റർ ജോസ്മിത, പാലാ പ്രൊവിഡൻസ് ഹൗസിലെ സിസ്റ്റർ ഗ്രേസ് എന്നിവരെ ആദരിച്ചു. മുട്ടുചിറ അൽഫോൻസാ സ്നേഹതീരം പ്രസിഡന്റ് ശ്രീ. പി. ജെ. ജോസഫിനെയും ചടങ്ങിൽ ആദരിച്ചു.
സമൂഹത്തിലെ അശരണരും അവശരുമായ ആളുകളോടുള്ള കരുതലിന്റെയും സ്നേഹത്തിന്റെയും സേവനത്തിന്റെയും മഹത്തായ മാതൃകയാണ് മദർ തെരേസയെന്ന് ചടങ്ങിൽ അനുസ്മരിച്ചു. മദർ തെരേസയുടെ സേവനസന്ദേശം ജീവിതത്തിൽ പകർത്തുകയും സമൂഹത്തിലെ പാർശ്വവത്കരിക്കപ്പെട്ടവർക്കായി കൂടുതൽ കരുതലോടെ പ്രവർത്തിക്കുകയും ചെയ്യേണ്ടതിന്റെ ആവശ്യകതയും ചടങ്ങിൽ ചൂണ്ടിക്കാട്ടി.
മദർ തെരേസയുടെ ചിത്രത്തിൽ പുഷ്പാർച്ചന നടത്തി. ദിനാചരണത്തിന്റെ ഭാഗമായി വിവിധ പരിപാടികളും സംഘടിപ്പിച്ചു.