Kerala
സ്നേഹവും അനുഗ്രഹവും ചേർന്ന നിമിഷം; തലനാട് ഈസ്റ്റിൽ ജോസ് കെ മാണിക്ക് ആത്മീയ സ്വീകരണം
തലനാട് ഈസ്റ്റ്: മണ്ഡല പര്യടനത്തിന്റെ ഭാഗമായി തലനാട് ഈസ്റ്റിൽ നടന്ന സ്വീകരണ യോഗം വികാരനിർഭരമായ നിമിഷങ്ങൾക്ക് സാക്ഷിയായി. യോഗത്തിൽ പ്രസംഗിച്ചുകൊണ്ടിരിക്കവേ അല്പം അകലെയായി മാറിനിന്നിരുന്ന ഒരു വയോധികനെ Jose K. Mani ശ്രദ്ധിച്ചു.
പ്രസംഗം അവസാനിച്ച ഉടൻ അദ്ദേഹം നേരെ വയോധികന്റെ അടുത്തേക്ക് എത്തി. അപ്രതീക്ഷിതമായി തന്റെ മുന്നിലെത്തിയ നേതാവിനെ ആ വയോധികൻ ഹൃദയപൂർവ്വം ആലിംഗനം ചെയ്തു. തുടർന്ന് ജോസ് കെ മാണിയുടെ ശിരസ്സിൽ കൈവെച്ച് അനുഗ്രഹിച്ച കാഴ്ച കണ്ടവർക്ക് ഹൃദയസ്പർശിയായി.
1982-ൽ കർഷക തൊഴിലാളി പെൻഷനും 1990-ൽ കർഷക പെൻഷനും നടപ്പാക്കി വയോധികർക്കു ജീവിത സായാഹ്നത്തിൽ ആശ്വാസമേകിയ K. M. Maniയുടെ പ്രിയപുത്രനാണ് ജോസ് കെ മാണി. അതിനാൽ തന്നെ വയോധികരിൽ നിന്നും വലിയ പിന്തുണയും സ്നേഹവും അദ്ദേഹത്തിന് ലഭിക്കുന്നുവെന്നതിന്റെ ഉദാഹരണമായി ഈ സംഭവം മാറി.
യോഗത്തിൽ പങ്കെടുത്തവരും പ്രവർത്തകരും ഈ നിമിഷം ആവേശത്തോടെ ഏറ്റെടുത്തു. മനുഷ്യബന്ധങ്ങളുടെ സ്നേഹവും ആത്മബന്ധവും നിറഞ്ഞ ഈ ദൃശ്യങ്ങൾ പ്രചാരണത്തിന് പുതിയ ആവേശം പകരുന്നതായി പ്രവർത്തകർ അഭിപ്രായപ്പെട്ടു.