Kerala
സർക്കാരുദ്യോഗസ്ഥർ കളിച്ചപ്പോൾ സ്വന്തം നാലേക്കർ ഭൂമി മറ്റുള്ളവരുടെ പേരിൽ പോക്ക് വരവ് ചെയ്തു നൽകി;ഒടുവിൽ പൊതു പ്രവർത്തകൻ ജോയി കളരിക്കലിനെയും കൂട്ടി നടത്തിയ നിയമ പോരാട്ടത്തിൽ 18 വർഷത്തിന് ശേഷം ഭൂമി സ്വന്തം പേരിൽ പോക്ക് വരവ് നടത്തി കിട്ടി :ഇരു കൈകളും കൂപ്പി നന്ദി പറയുകയാണ് ഈ വൃദ്ധ ദമ്പതികൾ സഹായിച്ച എല്ലാവരോടും
06.01.2018 ല് തെറ്റായി ചെയ്ത പോക്കുവരവ് ആര്.ഡി.ഒ. റദ്ദാക്കി. എന്നാല് തുടര്ന്നും ചാക്കോയ്ക്ക് പോക്കുവരവ് ചെയ്ത് നല്കാതെ പ്രതികള്ക്ക് സഹായകരമായ നിലപാടുകളുമായി റവന്യു അധികാരികള് നിലനില്ക്കുകയായിരുന്നു. ഇതിനെതിരെ ജില്ലാ കളക്ടര്, ഭരണാധികാരികള്, കോടതി എന്നിവിടങ്ങളില് വീണ്ടും പരാതികള് നല്കിയിരുന്നു. 08.10.2021 ല് ജില്ലാ കളക്ടറുടെ ഉത്തരവും, 05.08.2025 ന് ഹൈക്കോടതിയുടെ ഉത്തരവും ലഭിച്ചിട്ടും ചാക്കോയ്ക്ക് പോക്കുവരവ് ചെയ്ത് നല്കാതെ വന്നതിനെ തുടര്ന്ന് ഈ മാസം 19 ന് വീണ്ടും താലൂക്ക് ഓഫീസില് സമരം നടത്തി. സമര സ്ഥലത്ത് എത്തിയ മീനച്ചില് തഹസില്ദാര് ലിറ്റിമോള് ജോസഫ്, ഭൂരേഖ തഹസില്ദാര് സീമ ജോസഫ് എന്നിവര് ഒരാഴ്ചയ്ക്കുള്ളില് പോക്കുവരവ് ചെയ്ത് നല്കാമെന്ന അറിയിക്കുകയും അവരുടെ ഉറപ്പിന്മേല് സമരം അവസാനിപ്പിക്കുകയും ചെയ്തു. അവര് പറഞ്ഞ വാക്ക് പാലിക്കപ്പെട്ടിരിക്കുകയാണ്. ഓഗസ്റ്റ് 26 ന് ഇതുസംബന്ധിച്ച ഉത്തരവ് ചാക്കോയ്ക്ക് ലഭിച്ചു. 27ന് കടനാട് വില്ലേജ് ഓഫീസില് ചാക്കോയുടെ പേരില് കരം അടയ്ക്കുവാനും സാധിച്ചു.