Sports
കാഫ നേഷന്സ് കപ്പ് പോരാട്ടത്തിനുള്ള ഇന്ത്യന് ഫുട്ബോള് ടീമിനെ പ്രഖ്യാപിച്ചു.,മൂന്ന് മലയാളി താരങ്ങള് ടീമിൽ ഇടംപിടിച്ചു
കാഫ നേഷന്സ് കപ്പ് പോരാട്ടത്തിനുള്ള ഇന്ത്യന് ഫുട്ബോള് ടീമിനെ പ്രഖ്യാപിച്ചു. പുതിയ പരിശീലകന് ഖാലിദ് ജമീല് പ്രഖ്യാപിച്ച ടീമില് മൂന്ന് മലയാളി താരങ്ങള് ഇടംപിടിച്ചു. 23 അംഗ സംഘത്തെയാണ് പരിശീലകന് തിരഞ്ഞെടുത്തത്. 35 അംഗ പ്രാഥമിക സംഘത്തെ നേരത്തെ ഇന്ത്യന് ക്യാംപിലേക്ക് തിരഞ്ഞെടുത്തിരുന്നു. ഇതില് നിന്നാണ് 23 താരങ്ങളെ അന്തിമ ടീമിലേക്ക് വിളിച്ചത്.
വിരമിച്ച ശേഷം വീണ്ടും തിരിച്ചെത്തിയ മുന് നായകനും ഇതിഹാസ താരവുമായ സുനില് ഛേത്രി ടീമില് ഇല്ല. മോഹന് ബഗാന് സൂപ്പര് ജയന്റ് താരങ്ങളെ വിട്ടുകൊടുക്കാത്തതിനാല് മലയാളി താരം സഹല് അബ്ദുല് സമദ് ഉള്പ്പെടെയുള്ളവര് ടീമില് ഇടംപിടിച്ചില്ല.ഇന്ത്യയടക്കം എട്ട് ടീമുകളാണ് കാഫ നേഷന്സ് കപ്പില് ഏറ്റുമുട്ടുന്നത്. ഈ മാസം 29 മുതല് സെപ്റ്റംബര് 8 വരെയാണ് പോരാട്ടം. ഇന്ത്യ ഗ്രൂപ്പ് ബിയിലാണ്. അഫ്ഗാനിസ്ഥാന്, ഇറാന്, തജികിസ്ഥാന് ടീമുകളാണ് ഗ്രൂപ്പ് ബിയില്. ഗ്രൂപ്പ് എയില് കിര്ഗിസ്ഥാന്, ഒമാന്, തുര്ക്മെനിസ്ഥാന്, ഉസ്ബെകിസ്ഥാന് ടീമുകളും മാറ്റുരയ്ക്കും.