Kottayam
കത്തീഡ്രൽ പള്ളി വികാരിയായിരുന്ന ഫാദർ ജോർജ് ചൂരക്കാട്ട് നിര്യാതനായി
പാലാ: പാലാ രൂപതയിലെ മുതിർന്ന വൈദികനും മുൻ വികാരി ജനറാളുമായ ഫാ. ജോർജ് ചൂരക്കാട്ട് (80) അന്തരിച്ചു. പാദുവ ഇടവക അംഗമായ ഫാ. ജോർജ്, 1943 ഡിസംബർ 24നാണ് ജനിച്ചത്. 1968 ഡിസംബർ 19ന് വൈദികനായി അഭിഷിക്തനായി.
പാലാ കത്തീഡ്രലിന്റെ വികാരിയായി സേവനം ചെയ്തതോടൊപ്പം, രൂപതയുടെ വികാരി ജനറാളായും അദ്ദേഹം ഉത്തരവാദിത്വം വഹിച്ചു. സഭാ ഭരണത്തിലും ആത്മീയ പരിഷ്കരണങ്ങളിലും ശ്രദ്ധേയ പങ്ക് വഹിച്ച വ്യക്തിത്വമായിരുന്നു ഫാ. ജോർജ് ചൂരക്കാട്ട്.
നിലവിൽ അദ്ദേഹം പാലയിലെ പ്രീസ്റ്റ് ഹോമിൽ വിശ്രമ ജീവിതത്തിലായിരുന്നു. സംസ്കാര ചടങ്ങുകളുടെ വിവരങ്ങൾ പിന്നീട് അറിയിക്കുമെന്ന് രൂപതാ അധികൃതർ അറിയിച്ചു.