Kerala
ദോശ തൊണ്ടയിൽ കുടുങ്ങി വീട്ടമ്മ മരിച്ചു: സംഭവം പയ്യന്നൂരിൽ
കണ്ണൂർ പയ്യന്നൂരിൽ ഭക്ഷണം തൊണ്ടയിൽ കുടുങ്ങി വീട്ടമ്മ മരിച്ചു.ദോശ തൊണ്ടയിൽ കുടുങ്ങി കുഞ്ഞിമംഗലം സ്വദേശി കമലാക്ഷി(60)യാണ് മരിച്ചത്.രാവിലെ പ്രഭാത ഭക്ഷണം കഴിക്കുന്നതിനിടെ ആയിരുന്നു അപകടം.മൃതദേഹം പരിയാരം മെഡിക്കൽ കോളേജിലേക്ക് മാറ്റി.
ഇന്ന് രാവിലെ ഏഴോടെയാണ് സംഭവം. ഭക്ഷണം കഴിക്കുന്നതിനിടെ ശ്വാസംമുട്ടലും അസ്വസ്ഥതകളും കണ്ട് ഉടൻ കണ്ണൂർ ഗവ.മെഡിക്കൽ കോളേജ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
ഭർത്താവുമായി അകന്നു കഴിയുന്ന കമലാക്ഷി കുറച്ചുനാളായി ചികിത്സയിലായിരുന്നു. അതിനിടയിലാണ് ഭക്ഷണം കഴിക്കുമ്പോൾ ഇവരുടെ മരണത്തിനിടയാക്കിയ സംഭവമുണ്ടായത്.പയ്യന്നൂർ പോലീസിൻ്റെ ഇൻക്വിസ്റ്റിന് ശേഷം മൃതദേഹം പോസ്റ്റുമോർട്ടം ചെയ്യും.മകൾ സൗമ്യ ;മരുമകൻ പി കെ പ്രേമൻ ;സഹോദരങ്ങൾ :കാർത്യാനി ;ബാബു