Kerala
എം എം ഹസ്സനെ മാറ്റും;കെ പി സി സി യെ നയിക്കാൻ ആന്റോ ആന്റണി;സണ്ണി ജോസഫ്;റോജി ജോൺ ഇവരിലാരെങ്കിലും
കെപിസിസി അദ്ധ്യക്ഷ സ്ഥാനത്തേക്ക് ആന്റോ ആന്റണിയെയും പരിഗണിച്ച് കോണ്ഗ്രസ് ഹൈക്കമാന്റ്. മഹാരാഷ്ട്ര, ബിഹാര് സംസ്ഥാനങ്ങളിലെ സംസ്ഥാന അദ്ധ്യക്ഷന്മാരെ അടുത്തിടെ മാറ്റിയിരുന്നു. ഇതിന് പിന്നാലെ കേരളത്തിലെ അദ്ധ്യക്ഷ സ്ഥാനത്തേക്കും പുതിയൊരാളെ പരിഗണിക്കുകയാണ് ഹൈക്കമാന്റ്.ക്രൈസ്തവ വിഭാഗത്തില് നിന്നുള്ള നേതാവ് കോണ്ഗ്രസ് അദ്ധ്യക്ഷ സ്ഥാനത്തേക്ക് വരണമെന്ന് കേരളത്തിലെ പാര്ട്ടിക്കുള്ളില് പൊതു അഭിപ്രായം രൂപപ്പെട്ടിരുന്നു.പിന്നാലെയാണ് ആന്റോ ആന്റണിയുടെ പേര് സജീവമാകുന്നത്.ഉമ്മൻചാണ്ടി എന്ന നേതാവ് ഭരിച്ചിരുന്നപ്പോൾ കോൺഗ്രസിന് നേട്ടമുണ്ടായി.ആ ചുവട് പിടിച്ചാണ് ക്രൈസ്തവ നേതാക്കളെ പരിഗണിക്കുന്നത് .എന്നാൽ മുഖ്യമന്ത്രി സ്ഥാനത്തേക്ക് പരിഗണിക്കുന്നത് ഹൈന്ദവ നേതാക്കളെയാകാനാണ് സാധ്യത.അതിനാലാണ് കെ പി സി സി അധ്യക്ഷൻ ക്രൈസ്തവനാകട്ടെർ എന്നുള്ള ഫോർമുല നടപ്പിലാക്കുന്നത് .
നേരത്തെ സണ്ണി ജോസഫ് എംഎല്എയുടെയുംം റോജി ജോണ് എംഎല്എയും പേരുകളും ചര്ച്ചയിലുണ്ടായിരുന്നു. എന്നാല് അദ്ധ്യക്ഷ സ്ഥാനത്തേക്ക് വരാന് ഇപ്പോള് ആഗ്രഹിക്കുന്നില്ലെന്ന് റോജി ജോണ് നിലപാട് സ്വീകരിച്ചിരുന്നു. അതോടെ ഇപ്പോള് ആന്റോ ആന്റണിയുടെ പേരാണ് സജീവമായി പരിഗണിക്കുന്നത്.
അതേസമയം സംസ്ഥാനത്തെ പാര്ട്ടിയില് അടിമുടി അഴിച്ചുപണിയാണ് ഹൈക്കമാന്റ് ലക്ഷ്യമിടുന്നത്. തിരഞ്ഞെടുപ്പുകള് നയിക്കാന് പുതുനേതൃനിരയെ രംഗത്തിറക്കാനാണ് ദേശീയ നേതൃത്വത്തിന്റെ തീരുമാനം. കോര് കമ്മിറ്റി രൂപീകരണത്തിലേക്ക് ഉടന് കടക്കും.മുതിര്ന്ന നേതാക്കള് ഉള്പ്പെടുന്നതാണ് ഈ കമ്മിറ്റി. മുന് കെപിസിസി അദ്ധ്യക്ഷന്മാര് ഉള്പ്പെടെ 11പേരെ ഉള്പ്പെടുത്തും. തിരഞ്ഞെടുപ്പ് തന്ത്രങ്ങള് ഉള്പ്പെടെ ചുമതല ഈ കമ്മിറ്റിക്കായിരിക്കും. യുഡിഎഫിലും അഴിച്ചുപണി നടത്തിയേക്കും. കണ്വീനറായ എംഎം ഹസ്സനെ മാറ്റുമെന്നും സൂചനയുണ്ട്.