Kerala
2024 ൽ വാങ്ങിയ വൈദ്യുതിയുടെ കടം തീർക്കാൻ യൂണിറ്റിന് 10 പൈസ വെച്ച് ഫെബ്രുവരിയിലും സര്ചാര്ജ് പിരിക്കുമെന്ന് കെഎസ്ഇബി
വൈദ്യുതി സര്ചാര്ജ് ഫെബ്രുവരി മാസത്തിലും പിരിക്കും. യൂണിറ്റിന് 10 പൈസ വെച്ച് സര്ചാര്ജ് പിരിക്കുമെന്ന് കെഎസ്ഇബി അറിയിച്ചു. 2024 ഡിസംബറിൽ വൈദ്യുതി വാങ്ങിയതിൽ 18.13 കോടിയുടെ അധിക ബാധ്യതയാണെന്നും ഇതാണ് അടുത്ത മാസം സ്വന്തം നിലയിൽ സര്ചാര്ജ് പിരിക്കുന്നതെന്നും കെഎസ്ഇബി അറിയിച്ചു.
പുതുവര്ഷത്തില് സര്ചാര്ജ് ഒഴിവാക്കുമെന്ന ഉപയോക്താക്കളുടെ പ്രതീക്ഷയ്ക്ക് തിരിച്ചടിയാണ് കെഎസ്ഇബിയുടെ തീരുമാനം. ഇന്ധനവില കൂടുന്നതുമൂലം താപവൈദ്യുതി വാങ്ങുന്നതിനുള്ള ചെലവില് താത്കാലികമായുണ്ടാവുന്ന വര്ധനയാണ് സര്ചാര്ജിലൂടെ ഈടാക്കുന്നത്.