Kerala
മുണ്ടക്കൈ-ചൂരല്മല ദുരന്തബാധിതര്ക്ക് വീടുകള് കൈമാറി സര്ക്കാര്
കല്പ്പറ്റ: മുണ്ടക്കൈ-ചൂരല്മല ദുരന്തബാധിതര്ക്കുള്ള സംസ്ഥാന സര്ക്കാരിന്റെ വയനാട് ടൗണ്ഷിപ്പിന്റെ ഒന്നാംഘട്ടം യാഥാര്ത്ഥ്യമായി. ദുരന്തബാധിതര്ക്ക് വേണ്ടി സര്ക്കാര് ഒരുക്കുന്ന ടൗണ്ഷിപ്പിലെ 178 വീടുകളുടെ താക്കോല് കൈമാറ്റം നടന്നു.
ടൗണ്ഷിപ്പിന്റെ ഉദ്ഘാടനവും ഗുണഭോക്താക്കള്ക്കുള്ള പട്ടയ വിതരണവും മുഖ്യമന്ത്രി പിണറായി വിജയന് നിര്വഹിച്ചു. അതി വൈകാരികമായ കാഴ്ചകള്ക്കാണ് കല്പ്പറ്റയിലെ ബൈപ്പാസ് റോഡിലെ ടൗണ്ഷിപ്പ് സാക്ഷ്യം വഹിച്ചത്.വെറുതെ കല്ലുമാത്രം ഇട്ടുപോകുന്നവരല്ല തങ്ങളെന്നും, അത് വീടാവുമെന്നും അര്ഹതപ്പെട്ടവരുടെ കയ്യില് വീടെത്തുമെന്നും റവന്യൂ വകുപ്പ് മന്ത്രി കെ രാജന് ചടങ്ങിന്റെ അധ്യക്ഷത വഹിച്ചുകൊണ്ട് പറഞ്ഞു.