Kerala
മൂവാറ്റുപുഴയില് പ്രതിപക്ഷ നേതാവ് വി ഡി സതീശനെതിരെ പോസ്റ്റര്
കൊച്ചി: മൂവാറ്റുപുഴയില് പ്രതിപക്ഷ നേതാവ് വി ഡി സതീശനെതിരെ പോസ്റ്റര്. ഇന്ത്യന് നാഷണല് കോണ്ഗ്രസ് ഫാമിലി എന്ന പേരിലാണ് പോസ്റ്റര് ഉയര്ന്നത്.
പി ആര് വര്ക്കിന്റെ ബലത്തില് രമേശ് ചെന്നിത്തലയെ പോലുള്ള സീനിയര് നേതാക്കളെ താറടിക്കാന് ശ്രമമെന്നാണ് പോസ്റ്ററിലെ വാചകം. മുഖ്യമന്ത്രി ആകാനുള്ള സതീശന്റെ വ്യാമോഹം വിലപോകില്ല എന്നും പോസ്റ്ററില് പറയുന്നു.
കഴിഞ്ഞ ദിവസം എഐസിസി സംഘടനാ ചുമതലയുള്ള ജനറല് സെക്രട്ടറി കെ സി വേണുഗോപാലിന് മുന് യൂത്ത് കോണ്ഗ്രസ് നേതാവ് വഴിപാട് നടത്തിയിരുന്നു. കെ സി വേണുഗോപാല് മുഖ്യമന്ത്രിയാകുന്നതിന് വേണ്ടിയായിരുന്നു യൂത്ത് കോണ്ഗ്രസ് മുന് തൃശൂര് ജില്ലാ വൈസ് പ്രസിഡന്റ് അഡ്വ. സി എം അനില്കുമാര് വഴിപാട് നേര്ന്നത്. കെ സി വേണുഗോപാലിന്റെ ജന്മനക്ഷത്ര ദിനമായ രോഹിണി നാളിലാണ് വഴിപാട് നേര്ന്നത്.